Сметаме дека македонскиот финансиски сектор има огромен потенцијал да се трансформира и да стане лидер во регионот. Нашата цел не е само да воведеме нови технологии, туку и да создадеме одржливи решенија кои ќе ги поддржат финансиските институции, ќе го поттикнат економскиот раст и ќе ги подготват локалните компании за предизвиците што ги носи дигиталната иднина. Како доверлив партнер во оваа клучна фаза на развој, сме посветени на обезбедување долгорочен напредок и успешна адаптација на новите пазарни услови.
➤Капитал: Што е Аспект? Претставете ја компанијата …
Димовски:
Аспект е компанија специјализирана за развој на софтверски решенија за финансиски институции. Со петнаесет годишно искуство во оваа индустрија, нашата работа е фокусирана на обезбедување иновативни и сигурни технолошки решенија за банки, лизинг компании и микрокредитни институции.
Работиме со мисија да им помогнеме на клиентите да ја подобрат оперативната ефикасност, да ги оптимизираат своите процеси и да обезбедат супериорно корисничко искуство.
Во текот на изминатите години, ја градевме приказната на Аспект со главен фокус на развој на софтверски продукт наменет за финансиски институции. Клучот за успехот го гледаме во длабокото разбирање на предизвиците во индустријата во која работиме и целите на нашите клиенти. Секој предизвик беше мотивација за нас да одиме чекор понатаму. Ризикувавме многу и на тој начин растевме и созревавме. Сето тоа вредеше.
Денес, Аспект е успешна компанија со свои канцеларии во Македонија, Киргистан и Кенија, мобилни тимови за проширување на операциите во повеќе земји, како и широко портфолио на клиенти на три континенти. За нас, ова беше логичен чекор и одговор на сè поголемата потреба за нашиот продукт и услуги на пазарите во Централна Азија, Африка и Адриа регионот.
Како доверлив технолошки партнер, испорачуваме финансиски софтверски решенија за компании кои се подготвени за раст, а нашиот продуктен пакет, Aspekt Product Suite, е повеќе од технологија – тој е катализатор за раст.
Работиме со зацртана цел да бидеме првиот избор на финансиските институции за софтверски решенија, и како глобален играч обезбедуваме врвна услуга и континуирана поддршка за клиентите во различни региони.
Како македонска компанија, од друга страна, пак, сме особено горди што со нашиот локален тим, креираме напредни софтверски решенија кои ги подобруваат операциите и го зголемуваат пазарниот потенцијал на клиентите.
Финансискиот сектор во регионот и кај нас, е во процес на постепена дигитализација, а тоа значи дека постојат отворени можности за унапредување на технолошката инфраструктура, автоматизација на процесите и имплементација на напредни аналитички и дигитални решенија. Модернизацијата на банкарските и кредитните услуги е клучна за овозможување побрз и поефикасен пристап до финансии за граѓаните и бизнисите, што директно ќе влијае на економскиот раст.
➤Капитал: Кажете ни нешто повеќе за глобалниот раст на Аспект …
Димовски:
Како компанија со активно присуство на три континенти, успешно имплементираме софтверски решенија за различни финансиски институции – од интернационални комерцијални банки до специјализирани лизинг компании и микрокредитни организации.
Стратегијата за успех за нас се базира на:
- Длабоко разбирање на регулаторните барања и економските динамики на секој пазар;
- Прилагодување на решенијата според специфичните потреби на клиентите;
- Континуирано инвестирање во нови технологии и подобрување на услугите.
Она што нѐ прави лидер на пазарите е способноста да испорачаме иновативни, скалабилни и високо-сигурни решенија кои им помагаат на клиентите да го забрзаат својот дигитален развој. Само како примери, карактеристични за индустријата во која работиме, би издвоил дека најуспешните имплементации ни вклучуваат:
• Напредни кредитни модели базирани на модерни технологии, кои им овозможуваат на финансиските институции попрецизно управување со ризикот и побрз одговор на пазарните барања;
• Комплетно дигитализирани банкарски платформи кои овозможуваат беспрекорно онлајн банкарско искуство за корисниците;
• Модели за трансформација на компаниите од традиционални финансиски организации во пазарни лидери – преку автоматизација, дигитализација и оптимизација на процесите, со што се зголемува ефикасноста, конкурентноста и корисничкото искуство.
Дополнително, преку неодамнешните успешно реализирани проекти, како дигитална трансформација во Мадагаскар, поставување на напреден финансиски екосистем во Киргистан и влез на пазарот во Азербејџан во реномирана финансиска институција, ја потврдуваме нашата способност да се адаптираме на различни пазари и да испорачаме иновативни решенија за финансискиот сектор. Овие проекти сведочат за нашиот стратешки пристап, технолошка експертиза и посветеност на дигиталната еволуција на финансиските институции на глобално ниво.
Локалните канцеларии во Бишкек и Најроби, освен што ни служат како бази за операциите во Централна Азија и Источна Африка, претставуваат инкубатори за иновации и развој на нови решенија. Преку овие стратешки локации остануваме поблиску до нашите клиенти, за да ги разбереме нивните специфични потреби и да развиеме персонализирани решенија кои максимално ќе ги искористат технолошките капацитети кои ги поседуваме.
Како дел од лидерскиот тим на Аспект, мојата улога е да ја водам компанијата во насока на технолошки напредок, деловна експанзија и зголемување на пазарното присуство. Верувам дека е вистинско време да го зајакнеме влијанието на македонскиот пазар и во регионот, пренесувајќи го стекнатото меѓународно искуство и експертиза на локалниот пазар.
➤Капитал: Како е на локалниот пазар? Голема е потребата за дигитална трансформација и технолошки напредок овде …
Димовски:
Финансиската индустрија низ целиот свет брзо се менува, а дигиталната трансформација стана клучен фактор за конкурентност и оддржлив раст. Додека глобалните финансиски институции веќе имплементираат напредни технологии како интерконекција со финтек компании, поставување на финансиски екосистеми, интелигентна автоматизација на процеси и аналитика во реално време, локалниот пазар сè уште се соочува со ограничувања и недостаток на интеграција помеѓу различни финансиски играчи, што го забавува нивниот технолошки развој.
➤Капитал: Кои се клучни предизвици на локалниот пазар?
Димовски:
Преку подлабока анализа на локалниот пазар може да се согледа дека македонскиот финансиски сектор заостанува зад глобалните трендови во неколку критични области:
-
Застарена ИТ инфраструктура и софтверски системи: Многу финансиски институции сè уште користат застарени, неинтегрирани системи, што доведува до неефикасност, зголемени оперативни трошоци и потешкотии во усогласување со новите дигитални стандарди. Недостатокот на модерна инфраструктура ја ограничува нивната можност за брза адаптација и скалабилност.
-
Ограничена автоматизација и дигитализација на процесите: Во споредба со финансиските институции во напредните економии, локалните банки, лизинг компании и микрокредитни организации сè уште рачно обработуваат голем дел од своите процеси. Ова доведува до подолги рокови за одобрување на кредити, зголемени административни трошоци и повисок ризик од човечки грешки.
-
Недоволно искористување на податоците и вештачката интелигенција: Модерните финансиски институции користат Big Data аналитика и вештачка интелигенција за подобро управување со ризиците, предвидување на клиентските потреби и персонализирање на услугите. Сепак, локалниот пазар сè уште не го користи потенцијалот на овие технологии, што го намалува нивото на иновација и конкурентност.
-
Предизвици со усогласеност и регулаторни барања: Со зголемените меѓународни стандарди за заштита на податоците и финансиските регулативи (како што се GDPR, PSD2 и Basel III), локалните институции треба брзо да се адаптираат. Недостатокот на напредни технолошки решенија може да ја зголеми комплексноста во усогласувањето со регулаторните барања.
➤Капитал: Можете ли да ја опишете улогата на Аспект во развојот на локалниот македонски пазар?
Димовски:
Свесни сме за динамиката и предизвиците со кои се соочува локалниот пазар. Финансискиот сектор во регионот и кај нас, е во процес на постепена дигитализација, а тоа значи дека постојат отворени можности за унапредување на технолошката инфраструктура, автоматизација на процесите и имплементација на напредни аналитички и дигитални решенија. Модернизацијата на банкарските и кредитните услуги е клучна за овозможување побрз и поефикасен пристап до финансии за граѓаните и бизнисите, што директно ќе влијае на економскиот раст.
Веруваме дека локалниот пазар има огромен потенцијал за раст и иновации, особено во областа на модернизација на финансиските институции, зголемување на ефикасноста во работењето и подобрување на корисничкото искуство. Токму затоа сме посветени да го зајакнеме присуството на локалниот пазар и активно учествуваме во неговиот технолошки развој. Освен преку понуда на софтверски решенија, партнерскиот пристап го дополнуваме и преку стратешка поддршка, за да им помогнеме на финансиските институции да ги оптимизираат своите процеси.
Јасно е дека сакаме да бидеме двигател на иновациите во финансискиот сектор на локалниот пазар и затоа работиме на создавање на оддржлив екосистем во кој финансиските институции ќе имаат пристап до најсовремени технолошки решенија, а корисниците ќе уживаат во побрзи, побезбедни и поприлагодени услуги. Сигурни сме дека преку заедничка соработка и размена на знаење, можеме да овозможиме значајни промени и да го поттикнеме финансискиот сектор во регионот да се развива во чекор со глобалните трендови.
Веруваме дека локалниот пазар има огромен потенцијал за раст и иновации, особено во областа на модернизација на финансиските институции, зголемување на ефикасноста во работењето и подобрување на корисничкото искуство. Освен преку понуда на софтверски решенија, партнерскиот пристап го дополнуваме и преку стратешка поддршка, за да им помогнеме на финансиските институции да ги оптимизираат своите процеси, да ги подобрат регулаторните усогласувања и да воведат нови дигитални услуги за своите клиенти.
➤Капитал: Која е Вашата стратегија за развој на локалниот македонски и регионален пазар?
Димовски:
Долгогодишно меѓународно искуство нè уверува дека со соодветна стратегија и имплементација на најсовремени технолошки решенија, македонските финансиски институции можат да постигнат значителен напредок во своето работење. Пренесување на најдобрите светски практики и технологии, ќе им овозможат на македонските финансиски институции да бидат конкурентни на регионално и глобално ниво.
Локално, работиме за да го споделиме глобалното знаење и да ја поттикнеме дигиталната трансформација во финансискиот сектор преку:
-
Имплементација на модерни, интегрирани и скалабилни софтверски решенија, кои ќе им овозможат на институциите да ги оптимизираат своите операции и да ја зголемат ефикасноста;
-
Автоматизација на критичните финансиски процеси, со цел да се намалат трошоците, да се зголеми брзината на услугите и да се минимизираат ризиците;
-
Подобрување на корисничкото искуство преку дигитални платформи кои ќе овозможат брза, безбедна и персонализирана интеракција со корисниците;
-
Зголемување на безбедноста и усогласеноста со регулаторните барања, преку напредни механизми за управување со податоци, превенција од финансиски измами и сигурност на трансакциите.
➤Капитал: Во кој правец се движат промените во банкарската индустрија на локално ниво?
Димовски:
Како активен учесник во банкарската индустрија, подготвени сме да ги поддржиме и имплементираме новите измени во банкарскиот сектор.
Нашиот софтвер е дизајниран да биде лесно прилагодлив и флексибилен, што овозможува лесна интеграција со новите регулативи и стандарди.
Нашето решение Aspekt Product Suite е целосно усогласено со актуелните индустриски стандарди и најдобри практики, што овозможува не само интеграција на нови платежни технологии, туку и создавање на агилен систем кој лесно може да се приспособи на идните трендови и барања.
Како за пример можам да ви посочам дека во соработка со Пошта на Северна Македонија и Халкбанк, години наназад успешно поддржуваме еден од клучните сегменти на платниот промет во земјата. Овој проект е уште една потврда за нашата експертиза и способност да испорачаме сигурни и ефикасни решенија во финансискиот сектор. Креирањето на прилагодени решенија подразбира партнерство со клиентите, во кое подлабоко ги разбираме нивните бизнис модели и специфичните аспекти во работењето. Преку ваков пристап можеме да излеземе со персонализирани решенија кои ги подобруваат оперативните процеси и ја зголемуваат конкурентноста на тие институции. Се фокусираме на тоа да им помогнеме да ги намалат трошоците, да ги зголемат приходите и да го подигнат нивото на услуга на клиентите, што е од клучно значење во денешната динамична банкарска околина.
Дополнително, можеме да имплементираме и нови функционалности со поддршка на дигитални канали, овозможувајќи им на институциите да нудат пофлексибилни и достапни услуги на нивните корисници. Ова не само што го подобрува корисничкото искуство, туку и помага во задоволување на растечките потреби за безбедност и доверливост во финансиите.
➤Капитал: Кога зборуваме за овие многу значајни процеси на промени можете ли да го споделите искуството стекнато во Централна Азија и Африка?
Димовски:
Сакајќи да ја модернизираме финансиската индустрија на домашниот пазар, активно истражуваме и адаптираме успешни практики преку реализирани проекти на пазарите во Централна Азија и Африка. Овие региони се особено интересни и нудат можности за развој на уникатни решенија кои ефикасно ги адресираат специфичните предизвици на секој од пазарите.
На пример, постигнувањата во мобилното банкарство и финтек секторот во Африка нè охрабруваат дека можеме да ја зголемиме достапноста до финансиски услуги за пошироката популација кај нас.
Со тимот во Скопје, кој е нашиот најголем и најактивен, интензивно соработуваме со македонските финансиски институции, разменувајќи искуства и најдобри практики од другите региони. Разбираме дека преносот на знаење не се сведува само на имплементација на нови алатки, туку и на културна адаптација и длабоко разбирање на локалните потреби. Поради тоа, сме фокусирани и развиваме стратегија која ќе биде целосно прилагодена на специфичните услови на македонскиот пазар, создавајќи значителни вредности како за клиентите, така и за општеството во целина.
Цврсто веруваме во силата на иновацијата и технологијата како главни двигатели на растот и развојот. Сметаме дека македонскиот финансиски сектор има огромен потенцијал да се трансформира и да стане лидер во регионот.
Нашата цел не е само да воведеме нови технологии, туку и да создадеме одржливи решенија кои ќе ги поддржат финансиските институции, ќе го поттикнат економскиот раст и ќе ги подготват локалните компании за предизвиците што ги носи дигиталната иднина. Како доверлив партнер во оваа клучна фаза на развој, сме посветени на обезбедување долгорочен напредок и успешна адаптација на новите пазарни услови.
➤Капитал: Која е стратегијата за локален раст во следните 5 години?
Димовски:
Во следните пет години имаме за цел да создадеме иновативен и одржлив финансиски екосистем кој ќе биде основа на банките и финтек индустријата во Македонија. Во следниот период, ќе им овозможиме на нашите клиенти пристап до најновите технолошки иновации, што вклучува постојано подобрување на нашите решенија и интеграција на напредни технологии како вештачката интелигенција, блокчејн и анализа на податоци.
Веруваме дека со следење на глобалните трендови и адаптирање кон локалните потреби, ќе создадеме финансиски решенија кои не само што ја зголемуваат ефикасноста, туку и градат доверба и долгогодишна соработка со клиентите.
Во блиска иднина, акцентот ќе ни биде ставен на иновацијата, одржливоста и социјалната одговорност, како основа за развој на нови производи и услуги кои ќе одговараат на динамичните потреби на клиентите и ќе придонесат за економскиот раст на нашата земја.
➤Капитал: Поволни понуди за локалните финансиски институции
Димовски:
За да ги задоволиме потребите на локалниот пазар, воведуваме нови модели на наплата кои ќе овозможат финансиските институции да пристапат до напредна технологија по поволни цени.
Овие променети модели се создадени со цел да ги минимизираат осцилациите во финансиските текови поврзани со развојните активности, што е клучно за успешно планирање и раст на компаниите во секој сектор. Со овој систем на наплата, институциите ќе можат да ги планираат своите финансиски потреби со поголема сигурност и предвидливост, што ќе ги ослободи од непредвидени трошоци кои можат да влијаат на нивната способност за раст и пазарна адаптација. Новата понуда ќе обезбеди флексибилни опции за наплата, како месечни, квартални или годишни модели, што ќе им овозможи на клиентите да изберат најсоодветната опција за нивните потреби.
Со овој пристап, клиентите ќе можат да се фокусираат на своите основни бизнис активности, знаејќи дека нивната инфраструктура за наплата е сигурна, стабилна и предвидлива.
На ваков начин, ќе им помогнеме да постигнат непречен раст и долгорочен успех. Во суштина, целта на прилагодените начини на наплата е да им овозможиме на организациите да напредуваат, преку пристап до напредна технологија по прифатливи цени. Со оваа иницијатива, ние не само што ја поддржуваме нашата клиентска база, туку и активно придонесуваме за општиот економски развој во регионот, создавајќи поволна средина за иновации и нови бизнис можности.
➤Капитал: Велите поддршка преку споделување на знаењето! Што е тоа?
Димовски:
Со долгогодишно искуство во финансиите и технологијата, зад нас стои богато портфолио и ценето знаење, кое планираме да ги споделуваме не само локално, туку и на регионално ниво.
Токму затоа, предвидуваме организација на работилници, семинари и иновациски сесии, каде ќе ги пренесеме стекнатите искуства и вештини на новите генерации финансиски професионалци и на нашите партнери.
Создавањето мрежи за соработка со други компании, академски институции и релевантни организации е клучно за зајакнување на финансискиот сектор во нашата земја. Со споделување на искуства, и поттикнување на иновации, веруваме дека ќе создадеме основа за развој на нови производи и услуги, кои ќе ја зголемат конкурентноста и одржливоста на финансиската индустрија во регионот.
Нашата стратегија за наредните пет години не е само план за развој, туку и визија за создавање на проверени и иновативни решенија кои ќе ја трансформираат финансиската индустрија. Овие решенија ќе донесат значајни подобрувања и ќе обезбедат конкурентски предности за нашите клиенти. Со искуството и технолошка експертиза, сме подготвени да бидеме партнер во овој процес и да им помогнеме на локалните финансиски институции да ја остварат својата дигитална трансформација.
Конкурентска предност на нашиот софтверски пакет Aspekt Product Suite
Во Аспект сме горди на нашиот софтверски продукт, кој целосно ги покрива потребите на финансиските институции и ги поддржува сите аспекти на нивната дигитална трансформација, помагајќи им да ги постигнат своите стратешки цели.
Како компанија специјализирана за развој на напредни софтверски решенија за банки, микрокредитни институции и лизинг компании, со долгогодишно искуство на меѓународните пазари, нудиме решенија кои им овозможуваат на нашите клиенти да ги автоматизираат, дигитализираат и оптимизираат своите бизнис процеси. Присуството на нашиот продукт на различни пазари зборува за неговата универзалност и способност да одговори на различните потреби на клиентите и на различните законски рамки.
Она што нè издвојува од останатите вендори е способноста да обезбедиме сеопфатно софтверско решение кое ги покрива сите процеси во една финансиска институција. Наместо фрагментирани системи кои бараат дополнителни интеграции и сложени технолошки решенија, нудиме единствена, целосно интегрирана платформа која овозможува беспрекорно управување со сите сегменти на работењето – од процесирање на апликации за заеми и управување со ликвидност, до наплата, извршување на регулаторни обврски и обезбедување дигитални услуги за крајните корисници.
Кои се клучни карактеристики на софтверскиот пакет Aspekt Product Suite?
Целосна интеграција и оптимизација
Како редок вендор кој може да ги покрие сите процеси во една финансиска институција, нудиме централизирана платформа која ги елиминира сложените и скапи интеграции меѓу повеќе различни системи. Целокупното решение овозможува целосна синхронизација на податоците и автоматизација на процесите, што значително ја зголемува ефикасноста, ги намалува трошоците и го подобрува корисничкото искуство.
Флексибилност и независност
Решението е дизајнирано да им даде целосна контрола и независност на финансиските институции во управувањето со нивните процеси. Наместо да зависат од вендорот за секоја промена, нашите клиенти имаат можност самостојно да ги конфигурираат, менуваат и прилагодуваат работните процеси во согласност со нивните потреби и регулаторните барања. Ова ја зголемува агилноста и конкурентноста на институциите, овозможувајќи им брзо да се прилагодат на новите пазарни услови.
Модуларна архитектура
Решението го развиваме на модуларен принцип, што значи дека клиентите можат да ги изберат само оние функционалности кои им се потребни, со можност за надоградба во иднина. Ова им овозможува на финансиските институции да стартуваат со основен сет на функционалности и постепено да ги прошируваат можностите на системот, во согласност со нивниот раст и стратегија.
Напредна аналитика и вештачка интелигенција
Во денешниот финансиски сектор, податоците се клучен ресурс при носење на стратешки одлуки. Затоа во пакетот имаме за цел да вклучиме напредни алатки за анализа на податоци, машинско учење и вештачка интелигенција кои помагаат во проценка на кредитниот ризик, оптимизација на оперативните трошоци и подобрување на предвидувањата за однесувањето на клиентите.
Регулаторна усогласеност и безбедност
Безбедноста и усогласеноста со регулативите се од најголема важност во финансиската индустрија. Софтверските решенија се развиени во согласност со најновите регулаторни стандарди, овозможувајќи автоматизирано известување, следење на усогласеноста и заштита од финансиски измами.
Дигитална трансформација и мобилни решенија
Развојот на дигиталното банкарство ни е еден од главните приоритети. Сакаме да помогнеме финансиските институции да креираат кориснички-пријателски дигитални канали, вклучувајќи мобилни апликации, онлајн платформи и автоматизирани самоуслужни процеси, што значително го подобрува искуството на корисниците.
Со искуството стекнато на надворешните пазари, каде дигитализацијата е на многу повисоко ниво, сакаме да ги пренесеме овие достигнувања и на локалниот пазар. Со адаптирање на најновите технологии и искористување на глобалните практики, нашиот тим има за цел да го максимизира потенцијалот на локалните финансиски институции, истовремено работeјќи во согласност со нашите законски рамки. Сметаме дека постои огромен простор за напредок и дека дигитализација на локалниот пазар сè уште е на многу ниско ниво.
➤Капитал: Знаеме дека тимот е клучен фактор за успехот на Аспект! Како постигнувате и го одржувате тимот?
Димовски:
Тимот на Аспект е составен од високо квалификувани професионалци со долгогодишно искуство во финансискиот и ИТ секторот. Нивната стручност и посветеност ни овозможуваат да развиваме иновативни и прилагодени решенија за нашите клиенти. Ние веруваме во моќта на тимската работа и континуираната едукација, што е основа на нашата успешна култура.
Спојот на вработени кои поседуваат уникатни вештини и знаења од водечки финансиски институции и ИТ компании, ни овозможува да ги разбереме критичните индустриски процеси, регулативи и технолошки предизвици. Покрај тоа, нудиме можности за развој на млади таленти и наградуваме посветеност и лојалност, поттикнувајќи отворена комуникација и нови идеи.
Поддржуваме динамично работење во интернационални тимови и на тој начин компанијата ја развиваме во насока на размена на знаење и постојано учење и надградување. Со постојано инвестирање во обуки и учество на меѓународни конференции, остануваме во чекор со најновите трендови и ги поддржуваме нашите клиенти во нивната дигитална трансформација.
На крајот, со нашите иновативни производи и услуги, ние не само што ја подобруваме оперативната ефикасност на финансиските институции, туку и ги подготвуваме за иднината на финансиите – дигитализирани, брзи, сигурни и ориентирани кон корисниците. Веруваме дека технологијата има моќ да го трансформира финансискиот сектор, а нашата цел е да бидеме доверлив стратешки партнер за институциите кои сакаат да останат конкурентни и иновативни во динамичното финансиско окружување. Со нас, финансиските институции добиваат многу повеќе од софтвер – добиваат партнер за дигитална трансформација.
Целосното интервју со Љупчо Зиков и Капитал може да го погледнете на овој линк.
